Gazal (ಗಜಲ್)

Gazal

ಗಜ಼ಲ್

ಏನೇ ಎದುರಾಗಲಿ ನೀ ಬಿಡದಿರು ಛಲ

ಕಷ್ಟವೆಷ್ಟೇ ಬರಲಿ ಮರೆಯದಿರು ಛಲ

ಸಂಕಷ್ಟವೆದುರಿಸದ ಸಾಧಕರೆಲ್ಲೂ ಇಲ್ಲ

ಕಷ್ಟವೆಂದು ಬಿಟ್ಟು ಸರಿಯದಿರು ಛಲ

ಹಸಿದ ಹೆಬ್ಬುಲಿಯ ಕಾಲೆಂದೂ ಸೋಲದು

ಹಸಿದಂದು ಕಲಿತೆ ಪಾಠ ಕೊಲ್ಲದಿರು ಛಲ

ಚಂಚಲನಾಗಿರದೆ ನೀನು ಅಚಲನಾಗಿರು

ಸಾಧಿಸು ಸೋಲಿಸುವವರ ಎದಿರು ಛಲ

ನಿನ್ನೊಳು ನೀನಿರೆ *ಶ್ರೀಗಿರೀಶ* ನಿನ್ನವನು

ಕತ್ತರಿಸೆ ಚಿಗುರುವುದು ಬಿಡದೆ ಬಿದಿರು ಛಲ

                      *- ಶ್ರೀಗಿರೀಶ*

                 (ಹ ನಾ ಹಾವನೂರು)

Comments

Popular posts from this blog

ಆದುನಿಕ ವಚನ 'ಕಲಿತನ'